Iŏk đơ̆ng ‘năr 10/9, gre tih  15 tân hlôi iŏk tăh lơ tơmam tơgŭm ƀât Cham xă 10/3 plt Buôn Ma Thuột. Lăp hơdrô̆ til pơgê âu đĕch, gre hlôi tăh ƀĕnh tơmam yoa kăl nhen mi tôm, ƀĕng, đak nhă, đak toh, ao đông, ao tơnŏ. Ưh lăp chơ ba tơmam đơ̆ng kon pơlei tơgop đĕch, lơ bơngai oei chih tơroi lơ̆m mang tơpôl vă tưk tơiung tơdrong jang tơgŭm băl lơ̆m tơpôl.

Lơ kon pơlei vang truh tơgŭm, đơ̆ng đe oh hŏk tro, thây kô, bơngai vei lăng, bơngai jang, ƀô đô̆i păng truh tơ̆ đe ƀok yă kră hai. Grŭp jang tơgŭm âu tơroi, tơmam tơgop vă mong akŏm truh đĭ ‘năr 14/9, dôm tong gre lăp iŏk chơ tơmam đĕch, ưh đei iŏk jên măt. Kŭm hăm Đắk Lắk, grŭp jang tơgŭm kŭm pơgơ̆r iŏk tơmam tơ̆ apŭng Đắk Song (dêh char Đắk Nông), dêh char Gia Lai păng dêh char Kon Tum hai.