Kon pơlei teh đak bơ̆n oei tơ̆ teh đak đe tơ̆ Thái Lan tơưk hơdăh jơhngơ̆m đon “Nhă đak ƀlŏk kơtu”
Thứ hai, 10:29, 15/09/2025
VOV/Thuem tơblơ̆
VOV/Thuem tơblơ̆
VOV.Bahnar - Kơsơ̆ 14/9, tơpôl bơngai Việt Nam tơ̆ Thái Lan hlôi pơgơ̆r lêh apĭnh đei sơđơ̆ng hiôk - krao pơhngol păng ƀlŏk hơdơ̆r kơ đe lĭnh nuih mơng lôch tang ăn teh đak tơ̆ hnam chùa Phổ Phước (Wat Kusol Samakorn), mĭnh hnam chùa Việt so tơ̆ hơnih kơdrơ̆m anih tơm Bangkok, ƀlep ƀơ̆t tơbăt 80 sơnăm năr Quốc khánh teh đak Cộng hòa Xã hội Chủ nghĩa Việt Nam (02/9/1945 – 02/9/2025).
Pơma tơ̆ năr pơm lêh, Thượng nghị sĩ Lae Dilokvidhyarat – mĭnh ‘nu giáo sư bơngai Thái tơm a Việt – hơlen lăng: ‘nâu ưh khan lăp jing ‘măng vă ƀlŏk hơdơ̆r đĕch, mă oei jing tơdrong hiôk vă rong ‘me jơhngơ̆m đon ‘mêm mơnat, jơhngơ̆m đon jang tơnăp păng tơdrong tơklep hơdai lơ̆m tơpôl.
Jơ pơm lêh tơƀôh gĭt kăl jơhngơ̆m đon “nhă đak ƀlŏk kơ tu”, hơdai hăm ‘noh jĭ nơ̆r tơtă găh kơjă kăp gĭt đơ̆ng tơdrong rơngei - tơdrong ‘lơ̆ng ăn tơdrong hơtŏk tơiung kơjăp păng hiôk chơ̆t đơ̆ng kon pơlei. Tơdrong jang tơgop chĕp vei tơdrong ‘lơ̆ng joh ayŏ hơdrĕch hơdrŭng, tơgoăt kơjăp tơdrong pơvei đơ̆ng rim jơhnơr bơngai Việt hơtăih pơlei pơla, vang hơdai băl pơm ‘lơ̆ng ăn 1 tơpôl tơklep hơdai, ‘mêm mơnat păng lăng găh Teh đak.
Viết bình luận