Kon Tum jang đang tơdrong sut pơđĭ 2.740 tŏ hnam hiăh hiok
Thứ tư, 13:55, 25/06/2025 VOV Tây Nguyên/Dơ̆ng tơblơ̆ VOV Tây Nguyên/Dơ̆ng tơblơ̆
VOV4.Bahnar - Bơ̆ jang kiơ̆ Trong jang "Vang tơgŭm sut pơđĭ hnam hiăh hiok lơ̆m teh đak sơnăm 2025", truh ‘năr 24/6 dêh char Kon Tum hlôi tơgŭm jên man, sut pơđĭ hnam hiăh hiok ăn 2.740 unh hnam, iŏk đei 100% nơ̆r hơgăt.

Lơ̆m noh man ‘nao đei 2.220 tŏ hnam păng pơm hơmet ming 520 tŏ hnam ăn kon pơlei đei anih oei xa sơđơ̆ng ‘lơ̆ng. Lơ̆m khei ‘năr bơ̆ jang, Kon Tum mong akŏm đei vă jê̆ 200 ti hlak jên, lơ̆m noh jên đơ̆ng tơpôl vang tơgop hlŏh 102 ti, Anih tơm vei lăng Công an tơgŭm 84 ti hlak jên păng kon pơlei vang tơgop vă jê̆ 50 ti kŭm hăm hlŏh 180.000 năr jang.

Khul kơdră pơgơ̆r dôm tơring tơ̆ dêh char kŭm đei lơ trong jang hơmet pơ ‘lơ̆ng pơmat tat kiơ̆ jơhngâm đon “Bu đei kiơ tơgŭm ‘nei, bu đei kŏng năm tơgŭm kŏng, bu đei tơmam tơgŭm tơmam, bu đei tŏ sĕt tơgŭm tŏ sĕt, bu đei lơ tơgŭm lơ”. Ƀlep ƀât ‘măng mă âu, Anih vei lăng kon pơlei dêh char Kon Tum hơpăh Ƀăng khen ăn 21 khul grŭp păng 32 ‘nu bơngai jang tơnăp ‘lơ̆ng mưh bơ̆ jang tơdrong pơjei băl “Vang tơgŭm sut pơđĭ hnam hiăh hiok”./.

VOV Tây Nguyên/Dơ̆ng tơblơ̆

Viết bình luận

TIN CÙNG CHUYÊN MỤC

Video