Vang akŏm đei hlŏh 300 ‘nu đoàn viên druh dăm. Sơnăm mơlôh kơ 2 dêh char Kon Tum păng Lâm Đồng hlôi pơgơ̆r lơ tơdrong jang tôch đei yoa, nhen: hơpăh tơmam ăn kăn ƀô̆, linh tơ̆ Kơđông linh Đăk Xú; hơpăh 20 kơ suơ̆t jên hŏk ƀŏng, tơpu tơmam ăn đe hŏk tro păng unh hnam đei tơdrong arih xa pơmat tat;

Tơgŭm jên pơjing tơdrong jang druh dăm tơ̆k hơdăh trong sơlam; hơpăh 1.000 blăk hla Kơ tĕh đak ăn kon pơlei; khăm hơmet jĭ, ƀơk đĕch pơgang ăn hlŏh 300 ‘nu kon pơlei; vang dăr joang, hơmet rơgŏh râm rĕk, chong pơ ‘ngoăih ‘ngiĕt tơter trong dăr joang păng chao kơ ƀât jrăng Sơlam 3 pang. Tơdrong jang khei 3 tơring sơlam vang tưk tơiung đon jang tơnăp đơ̆ng đoàn viên druh dăm hăm tơring sơlam, tơring hơtăih yăih; đơ̆ng nŏh vang jang atŏk tơiung mŭk drăm, tơpôl, pơjing tơring tơrang ‘nao.