Truh dang ei dêh char Kon Tum hlôi pơjing Anih chih răk kơsô̆ vă iŏk yoa atŭm păng Anih ‘măn răk kơsô̆ điên tư ăn rim bơngai, khul grŭp kiơ̆ kơmăy pơvih trư̆k tuyê̆n kơ dêh char; dôm kơsô̆ chih răk găh kon pơlei oei xa, jang pơgang, pơtho pơhrăm, tơmam drăm bri brăh, cham char păng choh jang xa đei bơ̆ jang ‘lơ̆ng; hlŏh 98% kon pơlei vang răt Ƀao hiêm tơpôl, Ƀao hiêm pơgang, Ƀao hiêm ưh đei tơdrong jang hlôi đei chih tơmât tôm păng lăp hăm kơsô̆ ‘măn răk kơ teh đak găh kon pơlei oei xa; Đĭ đăng anih khăm hơmet jĭ bơ̆ jang kiơ̆ trong kla jên ưh kăl yoa jên măt…

Tơ̆ hop akŏm, dôm bơngai tang măt pơre lơ ƀai chih tơblang păng ‘măn jơ pơma nuh hăm dôm tơdrong kăl lơ̆m tơdrong jang tơplih hăm kơmăy sô̆ kơ dêh char; akŏm tơblang hơdăh, roi tơƀôh dôm trong jang hơiă, trong jang rơgei mưh bơ̆ jang tơplih hăm kơmăy sô̆. Chih hơdăh tơplih hăm kơmăy sô̆ jĭ 1 lơ̆m dôm tơdrong pran ‘lơ̆ng vă jang atŏk tơiung mŭk drăm, tơpôl, Anih vei lăng kon pơlei dêh char Kon Tum athei rim anih jang, tơring tơrang iŏk kon pơlei, anih tĕch mơdro pơm tơm, pơm tơ ‘ngla mưh bơ̆ jang tơplih hăm kơmăy sô, hăm đon pơhnŏng khŏm pơvih ‘lơ̆ng hlŏh ăn kon pơlei păng anih tĕch mơdro.