Kiơ̆ kơ ‘nŏh, ƀok Nguyễn Trung Hải, Kơdră jang lơ̆m Khul kơdră chĕp kơ̆l Đảng, Bí thư Đảng khul, Kơdră Anih Mặt trận Tổ quốc Việt Nam dêh char đei Khul kơdră chĕp kơ̆l Đảng dêh char Kon Tum pơjao tơdrong jang păng pôk pơm Kơdră chĕp kơ̆l Ban Tuyên giáo dêh char Kon Tum. Yă Y Thị Bích Thọ, Kơdră jang lơ̆m Khul kơdră chĕp kơ̆l Đảng dêh char, Kơdră Anih Dăr hơlen Đảng dêh char đei pơjao hơnăp jang lơ̆m Đảng khul păng pơm Bí thư Đảng khul Anih Mặt trận Tổ quốc Việt Nam dêh char, đơ̆ng 2019- 2024. Pôk pơjao ăn ƀok Huỳnh Quốc Huy, Kơdră jang lơ̆m Khul kơdră chĕp kơ̆l Đảng dêh char, Kơdră chĕp kơ̆l Ban Tuyên giáo dêh char Kon Tum truh bơ̆ jang tơ̆ Anih dăr hơlen Đảng dêh char păng pôk pơm Kơdră vei lăng Anih Dăr hơlen Đảng dêh char Kon Tum jăl XVI, đơ̆ng 2020- 2025.

Tơ̆ hop akom roi tơbăt păng pơjao tơdrong tơchơ̆t, klăih song tơdrong jang ‘nao ăn 3 ‘nu Kơdră jang lơ̆m Khul kơdră chĕp kơ̆l Đảng dêh char, ƀok Dương Văn Trang, Kơdră jang lơ̆m Trung ương Đảng, Bí thư Đảng dêh char, Kơdră Jơnŭm pơgơ̆r kon pơlei dêh char Kon Tum hơpơi ‘mĕh hăm kơchư̆k jang ‘nao, 3 ‘nu Kơdră jang lơ̆m Khul kơdră chĕp kơ̆l Đảng dêh char hơnơ̆ng adrin, kŭm hăm khul kơdră chĕp kơ̆l dôm anih jang, jang đang ‘lơ̆ng tơdrong jang đei pơjao.