Tơ̆ 'măng akŏm Pơm jang, tang măt ăn dôm anih jang mŭk drăm, bơngai jang mŭk drăm hlôi pơma đam hăm đe Kơdră kơ Anih jang vei lăng kon pơlei păng rim anih jang kơpal găh tơdrong pơgơ̆r jang kơ dêh char Kon Tum găh dôm tơdrong tơnap tap, tơhlăk tơhlĭn lơ̆m tơdrong axong jang adoi nhen pơm jang tĕch răt tơ̆ tơring. Chih iŏk dôm nơ̆r tơgop, Anih jang vei lăng kon pơlei dêh char  Kon Tum, rim anih jang kơpal păng jơnŭm pơgơ̆r tơring kơ 10 apŭng, pơlei tơm kơ dêh char hlôi sek tơlang, tơblang hơdăh păng pơklaih 101 tơdrong oei tơhlăk ăn anih jang mŭk drăm. Hăm tơdrong oei tơhlăk dêh char Kon Tum tơchơ̆t đơ̆ng rŏng 10 năr anih jang đei xơnong athei tơlĕch trong sek tơlang, pơtruh hla bar tơl nơ̆r ăn anih jang mŭk drăm păng tơroi hăm Anih jang vei lăng kon pơlei dêh char chă hơlen chih akŏm.