Kơtă lơ̆m jơ Pơm lêh hơvơn tơgŭm djru kon pơlei răm đơ̆ng kial hơbut kơsô 3 pơm ăn đei Hơnih Đảng-Jơnŭm vei lăng kon pơlei-Hơnih vei lăng kon pơlei-Hơnih bơ̆ jang MTTQ Việt Nam dêh char Kon Tum pơgơ̆r lơ̆m kơsơ̆ năr 12/9, hlôi đei 203 hơnih bơ̆ jang, hơnih mơdro sa păng rim bơngai lơ̆m dêh char chă tơgŭm ăn hloi truh 425 triu hlak jên. Atŭm hăm ‘nou đei 23 hơnih bơ̆ jang, hơnih mơdro sa pơma pơkăp tơgŭm ăn hăm kon jên hloh 2 ti 65 triu hlak jên. Lơ̆m ou đei lơ hơnih bơ̆ jang, tơring tơgŭm jru hăm kon jên lơ nhen kang ƀô̆, kon pơlei kơ pơlei tơm Kon Tum tơgŭm ăn 400 triu hlak jên, apŭng Đak Tô tơgŭm ăn 300 triu hlak jên. Hăm jơhngơ̆m đon “tơgŭm djru ‘mêm mơnat dih băl”, kang ƀô̆ păng kon pơlei dêh char Kon Tum oei tŏk bok hơnơ̆ng iung jang dôm tơdrong jang ‘lơ̆ng hơ iă hloh dơ̆ng vang tơgop tơgŭm djru ăn kon pơlei rim dêh char, pơlei tơm găh Tu răm đơ̆ng kial hơbŭt kơsô̆ 3 pơm ăn hăm kon jên adoi nhen dôm tơmam drăm sa kăl anai.