Ƀai pơre lơ̆m lêh tơbăt chih hơdăh: “Jơhngâm đon iung tơblăh, lôch tang đơ̆ng đe linh Trung đoàn 209 tơ̆ Chư Tan Kra khei 3/1968 ling lang jing um rup ang hơdăh hlŏh đơ̆ng jơhngâm ‘mêm kơ tĕh đak, đon adrin kơtang nuih mơng, iung tơblăh khŏm iŏk đei jơnei.

Jơhngâm đon ‘noh đei chông hơnhăk, tơƀôh trong chong glung đơ̆ng tơdrong chĕp kơ̆l pơgơ̆r, trong jang tôch trŏ đơ̆ng Đảng bơ̆n păng Ƀok Hô vă bơ̆n gơ̆h đei 1 tĕh đak rơngei hiôk hian păng đei tơdrong arih xa phĭ tơtŏ dơnŏ ‘lơ̆ng, hiôk chơt nhen hrei ‘nâu”.

Chih răk kŏng đe linh đơ̆ng Anih tơm Hà Nội hlôi iung tơblăh, lôch tang tơ̆ kơdrăn tơblăh găh Tu Kon Tum, sơnăm 2011 Anih chĕp kơ̆l pơgơ̆r Khul linh anih tơm, Anih chă pơma nuh kơ Trung đoàn 209 hlôi man Anih ƀlŏk hơdơ̆r Chư Tan Kra, Anih vei lăng kon pơ lei dêh char Kon Tum hlôi chih tơmât Groi 995- Chư Tan Kra ‘nŏh jĭ anih gru groa gĭt kăl kơ dêh char.