‘Nou jĭ sơnăm hŏk git kăl hloh mưh Trong pơtho pơhrăm ‘nao, tơlĕch jang kiơ̆ đơ̆ng lăm 1 truh lăm 12. Ƀlep lơ̆m jơ ‘năr pơgơ̆r pơm lêh mơ̆t hŏk sơnăm hŏk ‘nao 2024-2025, Tổng Bí thư, Kơdră chĕp pơgơ̆r Teh đak Tô Lâm hlôi chih kơthơ pơtruh ăn hơnih jang Pơtho pơhrăm. Lơ̆m kơthơ đei nơ̆r chih.

Ƀlep lơ̆m jơ ‘năr pơgơ̆r pơm lêh mơ̆t hŏk sơnăm hŏk ‘nao 2024 - 2025, ĭnh pơtruh nơ̆r ƀơ̆r pơma ‘lơ̆ng hơ iă hloh hăm rim ƀok thây kô pơtho, kang ƀô̆ vei lăng, bơngai jang hlôi păng tŏk bŏk bơ̆ jang lơ̆m tơdrong jang Pơtho pơhrăm, atŭm hăm rim đe oh hŏk tro, sinh viên, hŏk viên păng rim mĕ ƀă ling lang pran jăng grăng akou. Lơ̆m tơdrong chơt hơ iă sơnăm hŏk ‘nao, ĭnh lui rim đe oh hŏk tro, sinh viên, hŏk viên gô kơrŭn hŏk pơhrăm, tơgoăt iŏk dôm tơdrong ‘lơ̆ng hơ iă gơh hơgei pơjing đei ăn kơdih dôm tơdrong hlôh vao vă tơ iung pơjing teh đak roi năr roi pơdrŏng, hơnŭk hơnoa. Hmach chơt hơ iă ăn  rim ƀok thây kô pơtho, kang ƀô̆ vei lăng, bơngai jang hlôi păng tŏk bŏk bơ̆ jang lơ̆m tơdrong jang Pơtho pơhrăm, atŭm hăm rim đe oh hŏk tro, sinh viên, hŏk viên ling lang pran jăng grăng akou, hơnŭk hơnoa, jơnei păng iok đei lơ tơdrong hơ iă hloh dơ̆ng lơ̆m sơnăm hŏk ‘nao.