Dôm nơ̆r tơgop păng ƀai đŏk tơbang tơ̆ pơma đam akŏm pơm hơdăh tơdrong đei jơnei păng dôm tơdrong tơlĕch lơ̆m 10 xơnăm pơm kiơ̆ Tơchơ̆t Trung ương 8, jăl 11 găh Trong pơkăp vei lăng Teh đak lơ̆m pơkăp jang 'nao lơ̆m tơring teh Kuân khu 7. Trung tươ̆ng Trần Hoài Trung, Ƀĭ thư Đang uy, Kơdră Kuân khu ăn tơbăt, Kuân khu 7 đei anih dơ̆ng kăp tơ̆ tơring pơbăh păng kơ jâ̆p teh đak. Đang uy, Anih tơm Pơgơ̆r linh Kuân khu 7 xơkơ̆t đei 3 tơdrong pơngơ̆t jang: Athei pơjing tơdrong jang tôm kon pơlei vei lăng teh đak, tơring pơkăp kơchăng tơgŭm ăn kon pơlei păng tơgŭm ăn teh đak boăl Campuchia. Kuân khu hlôi tơlĕch jang đei jơnei tơdrong jang vei xơđơ̆ng xơlam teh hăm lơ trong jang rơgei, đei jơnei. Rim bơngai tang măt hlôi pơkăl Trung ương hơlen lăng, tơlĕch tơchơ̆t 'nao găh trong pơkăp vei lăng Teh đak vă pơm kiơ̆ ƀlep tơdrong pơkăl, xơnong jang vei lăng Teh đak lơ̆m pơkăp jang 'nao.