Iung pơma tơ̆ pơgơ̆r blŭng a, Kơdră chĕp pơgơ̆r Kuô̆k hô̆i TRần Thanh Mẫn tơbăt, ‘Măng hop akŏm đei pơgơ̆r lơ̆m 1 năr, tơ̆ Hnam Kuô̆k hô̆i. Kuô̆k hô̆i hlôi pơma dơnuh, ăn tơgop nơ̆r găh tơdrong ưh kơ pôk tơmơ̆t dơ̆ng Chánh án Tòa án nhân dân tối cao, ưh kơ pôk tơmơ̆t dơ̆ng Kơdră chĕp pơgơ̆r Viện kiểm sát nhân dân tối cao vă pơjao ăn tơdrong bơ̆ jang anai. Kĭ tơchơ̆t ưh kơ pôk tơmơ̆t dơ̆ng 1 ‘nu Kơ iĕng Thủ tướng Teh đak hăm Kơdră chĕp pơgơ̆r Hơnih tơm Tư pháp vă iŏk bơ̆ jang tơdrong jang anai. Kĭ tơchơ̆t ưh kơ pôk tơmơ̆t dơ̆ng 1 ‘nu Kơ iĕng Thủ tướng Teh đak hăm Kơdră chĕp pơgơ̆r Hơnih tơm vei lăng Mŭk drăm bri brăh păng Cham char pơdơ̆h bơ̆ jang. Tơlĕch 1 ‘nu kơdră tang măt Kuô̆k hô̆i jăl 15. Kuô̆k hô̆i pơma dơnuh, ăn tơgop nơ̆r tơmơ̆t dơ̆ng 1 ‘nu Kơ iĕng Thủ tướng Teh đak jăl jang Kuô̆k hô̆i jăl 15. Kĭ tơchơ̆t pôk tơmơ̆t 3 ‘nu Kơ iĕng Thủ tướng Teh đak, Kơ dră chĕp pơgơ̆r Hơnih tơm vei lăng Mŭk drăm bri brăh păng Cham char, Kơdră chĕp pơgơ̆r Hơnih tơm Tư pháp. Pôk tơmơ̆t Chánh án Tòa án nhân dân tối cao hăm Kơdră chĕp pơgơ̆r Viện kiểm sát nhân dân tối cao.