Kiơ̆ kơ ‘nŏh, Khul dăr lăng đơ̆ng dôm anih jang kơpal kơ dêh char Lâm Đồng gơ̆h gơ̆t gre chơ đak xăng oei kơdâu tơ̆ rim jăl trong lơ̆m dêh char vă hơlen năng. Mưh ƀôh dăh jâu pơm glăi luơ̆t, khul dăr lăng gơ̆h athei dui gre păng tơmam năm tơ̆ Anih thuê̆ jê̆ hlŏh vă hơlen năng tôm tơdrong, pơm hla ar chih tơdrong glăi kiơ̆ tơdrong hơgăt. Khul dăr lăng vă bơ̆ jang prăt măng prăt năr, khei ‘năr vă bơ̆ jang iŏk đơ̆ng ‘năr 1/4 truh đĭ khei 12/2023. Lâm Đồng hrei ‘nâu đei hlŏh 330 anih tĕch đak xăng, đak dâu găh 220 anih jang xa oei bơ̆ jang.