Lơ̆m 2 tơdrong pơkăp vă jang, Trong tih Tân Phú - Bảo Lộc ataih pơhlom 66km, hăm kơsô̆ jên axong jang 17.200 tih hlj. Pơtoi kơ tơdrong pơkăp vă jang âu noh Trong tih Bảo Lộc - Liên Khương, ataih 74km, hăm kơsô̆ jên axong jang noh 19.521 tih hlj. Kiơ̆ kơ ƀok Ngô Văn Ninh, Kơdră Anih pơgơ̆r jang, bơngai juăt rapor ăn Anih jang vei lăng kon pơlei dêh char Lâm Đồng, 2 jăl trong tih pơtoi băl noh jăl trong dơnơm, tơroh jang tĕch răt tơmam drăm kơ dêh char Lâm Đồng hăm dôm dêh char găh pơbăh. Ăh ming man keh đang gô pơjing jơhngơ̆m pran vă hơtŏk mŭk drăm tơpôl. Dang ei dêh char tŏk bŏk oei hơtŏk pran tơdrong keh đang hla bar pơkăp găh luơ̆t, tơlĕch chă ƀŭ jrăng pơkă teh iŏk bơ̆ trong vă dăh tom iung man 2 jăl trong tih lơ̆m 'măng lêh năr  2/9 âu kơnh.