Lêh tơlĕch jang đei pơgơ̆r hăm trong trực tuyến tơgoăt hăm lơ hơnih pơdăh tivi lơ̆m dêh char. Pơih blŭng lêh tơlĕch jang, kơdră chĕp kơ̆l Anih jang Mặt trận Tổ quốc Việt Nam dêh char Lâm Đồng đŏk nơ̆r krao hơvơn dôm anih jang, dôm khŭl jang chĭnh trĭ tơpôl, khŭl lui khop, dôm anih mơdro sa păng lơ lap kang ƀô̆, bơngai jang teh đak, bơngai jang, khŭl lĭnh, đoàn viên, hội viên păng rim răih kon pơlei lơ̆m dêh char hơtŏk jơhngơ̆m đon tơgoăl tơgoăl, ‘mêm mơnat, mĭnh nơ̆r ƀơ̆t pơ ngot dang 1 tơpu ƀơ̆t phĭ vang tơgŭm kon pơlei dôm dêh char, pơlei tơm găh Tu đei hiong răm yua đơ̆ng ‘mi kial hơbŭt hơƀông kơsô̆ 3.

Kơtă lơ̆m lêh tơlĕch jang, dêh char Lâm Đồng iŏk đei hloh 20 ti hlak jên tơgop. Pơđĭ kơsô̆ jên âu gô gơih ăn Anih jang Trung ương Mặt trận Tổ quốc Việt Nam vă tơgŭm kon pơlei dôm dêh char, pơlei tơm găh Tu đei hiong răm yua đơ̆ng ‘mi kial hơbŭt hơbông.