Truh đĭ ‘năr 31/8, lơ̆m dêh char ‘nao tơlĕch jên jang đei hloh 4.400 ti hlak jên, iŏk đei hloh 23% trong tơlĕch jang; tơdăh jô̆ hloi kơsô̆ jang đang tam mă đei kla jên ‘noh kŭm lăp dang 27%. Kăl kơ lăng truh, dôm tơdrong jang tơm hăm akŏm jên vă jê̆ 8.000 ti hlak jên ‘nao tơlĕch jên jang đei 430 ti hlak jên, dang 5% trong tơlĕch jang. Anih vei lăng kon pơlei dêh char athei dôm anih jang, tơring akŏm hơmet pơ ‘lơ̆ng pơmat tat, tŭn hrĕnh bơ̆jang păng tơlĕch jên jang, hơdrin jang đang đĭ đăng trong tơlĕch jang jên jang đei pơjao.

Vă jang đei tơdrong hơgăt âu, đơ̆ng dang ei truh hơtuch sơnăm, rim khei dêh char kăl tơlĕch jên jang jô̆ păh lăp dang 2.600 ti hlak jên. Ƀok Hồ Văn Mười, Kơdră Anih vei lăng kon pơlei dêh char Lâm Đồng pơma hơdăh, tơdrong hơtŏk hrĕnh tơlĕch jên jang tơmơ̆t jên jang teh đak ưh khan lăp tơgop jang pơkeh anih jang kăl, mă oei pơm tơdrong ‘lơ̆ng pơtrŭt tŏk mŭk drăm tơring, yua thoi noh kăl kơ pơjing trong tơlĕch jang hơdah rim năr vă tŭn hrĕnh tơdrong jang.