
Lơ̆m tơdrong kăp gĭt đei lăng jĭ tơdrong kăch mang lơ̆m hơmet pơ-'lơ̆ng hơnih jang chinh trĭ kơ Việt Nam, ƀok Tổng Bí thư Tô Lâm năm akŏm lêh tơbang dôm tơchơ̆t tơ̆ pơlei tơm Hồ Chí Minh.

Kơdră teh đak bơ̆n Lương Cường năm akŏm Lêh tơbang tơ̆ Hơnih tơm Hà Nội.

Kơdră Kuôk hô̆i Trần Thanh Mẫn năm pơm lêh tơbang tơ̆ pơlei tơm Cần Thơ.

Thủ tướng teh đak bơ̆n Phạm Minh Chính năm akŏm Lêh tơbang tơ̆ pơlei tơm Hải Phòng

Kơdră jang Ƀan ƀĭ thư Trần Cẩm Tú năm akŏm lêh tơbang tơ̆ pơlei tơm Đà Nẵng.
Tơ̆ jơ lêh, rim tơring hlôi kăp gĭt tơbang dôm tơchơ̆t gah jơnŭm pơgơ̆r tơring 2 tăl, păng tơbang hơnih jang Đảng, jơnŭm pơgơ̆r tơring 'nao đei tơ-iung pơjing.
Dôm hla bar pơkăp athei tơbang đei: Tơchơ̆t đơ̆ng Kuôk hô̆i gah tơdrong pơjing dêh char, pơlei tơm; Tơchơ̆t đơ̆ng Hơnih jang Kuôk hô̆i gah tơdrong pơjing dôm xah, phương, hơnih jang hanh chinh tơm dơnơm kơ dêh char, pơlei tơm.
Dôm tơchơ̆t đơ̆ng Hơnih tơm Chinh trĭ gah tơdrong pơjing Hơnih jang Đảng dêh char, pơlei tơm; tơchơ̆t Ƀan châ̆p hanh, Hơnih jang kơpal, Ƀĭ thư, Phŏ Ƀĭ thư, hơnih jang hơlen kơ hơnih jang hanh chinh tơm dơnơm tơ̆ dêh char, pơlei tơm.
Tơchơ̆t đơ̆ng Hơnih jang kơpal kơ Kuôk hô̆i gah tơdrong pôk Kơdră, Phŏ Kơdră Jơnŭm pơgơ̆r kon pơlei; Kơdră dôm lăm jang kơ Jơnŭm pơgơ̆r kon pơlei dêh char, pơlei tơm; Kơdră Khul, Phŏ Kơdră Khul jang tang măt ăn Kuôk hô̆i dêh char, pơlei tơm.
Tơchơ̆t đơ̆ng Thủ tướng teh đak gah pôk Kơdră, Phŏ Kơdră Hơnih jang vei lăng kon pơlei dôm dêh char, pơlei tơm. Tơchơ̆t đơ̆ng Hơnih jang Trung ương Măt trâ̆n tôh kuôk Việt Nam pơjing Hơnih jang Măt trâ̆n tôh kuôk dôm dêh char, pơlei tơm.
Tơchơ̆t gah tơdrong pơtôch pơm jang hăm dôm hơnih jang đảng tơ̆ apŭng, tơ̆ xah (so).
Tơchơ̆t đơ̆ng Hơnih jang Kơpal Kuôk hô̆i gah tơdrong pơjing dôm xah, phương, hơnih jang hanh chinh tơm dơnơm kơ dêh char, pơlei tơm.
Tơchơ̆t đơ̆ng Ƀan châ̆p hanh Đảng ƀô̆ dêh char, pơlei tơm gah tơdrong pơjing Hơnih jang dôm xah, phương, hơnih jang hanh chinh tơm dơnơm; Dôm tơchơ̆t gah tơdrong pôk bơngai jang kơdră Hơnih jang Đảng, Jơnŭm pơgơ̆r kon pơlei, Hơnih jang vei lăng kon pơlei dôm xah, phương, hơnih jang hanh chinh tơm dơnơm.
Viết bình luận