Găh lơ dôm dơnâu mong đei hư răm kơtang yua đơ̆ng bơnơ̆ găn đei hrơm đak, hư răm bơnơ̆ blai, hơđang, pơchăh păng hư van... Akŏp jên vă pơm hơmet ming 115 dơnâu mong đak hư răm hloh 820 ti hlak jên. Lơ̆m noh, jên hlôi hơmet ăn pơm hơmet ming ăn kơ 12 dơnâu mong đak lơ̆m sơnăm 2024 vă jê̆ 56 ti hlak jên; jên tơchĕng hơdrol kăl vă pơm hơmet ming ăn kơ 103 dơnâu mong đak mă lei tam mă đei jên ‘noh hloh 760 ti hlak jên. Vă vei sơđơ̆ng lơ̆m khei ‘năr âu, dôm anih jang kơpal hlôi athei ‘nĕ mong đak lơ tơ̆ dôm dơnâu mong đak đei hơmơt ưh kơ sơđơ̆ng lơ.

- Tơ̆ hơnăp tŏ ‘mi kial chrih chrĕng, dêh char Dak Nông tŏk bŏk ăn khul bơ̆ jang dăr lăng rim dơnou đak vă đei trong tang găn hơlou. Mă lei, tơdrong tơtăm hloh ‘noh pơđi lơ̆m dêh char lăp đei 30 lơ̆m 256 hơnih pơnơ̆t đak đei tơlĕch jang iung tơjră tang găn gĭt kăl.

Hơnih bơ̆ jang găh ou dêh char xơkơ̆t hơdăh đei 81 hơnih pơnơ̆t đak hư răm, lơ̆m ou đei 24 hơnih hư răm kơtang. Dôm pơnơ̆t đak ou tŏk bŏk tơdrŭt pơnơ̆ bơ̆ găh tu păng pơbăh tim mă đei ming man dăh mă hlôi đei ming man hơmet ră bơih mă lei hlôi hư răm kơtang; lơ hơnih pơchoh đak blai jei răm đak sa teh kơtang. Dêh char Dak Nông tŏk bŏk hơpơi đei tơdrong tơgŭm djru đơ̆ng Trung ương vă hrôih tơlĕch đei trong tang găn hơlou hăm dôm tơdrong hơmơt răm, ming hơmet pơ ‘lơ̆ng dôm hơnih hư răm.