Thượng tướng Nguyễn Văn Nghĩa- Kơ iĕng Kơdră Pơchoh trong Ƀô̆ đô̆i kon pơlei Việt Nam vang năm hop akŏm. Lơ̆m 5 sơnăm ou ki, Binh đoàn 15 hlôi hơdrin tơlĕch jang jơnei tơdrong jang pơting dih băl jang pran kơtang gơ̆h hơgei. Gơnơm đơ̆ng noh, kơjă jang sa iok đei kơ Binh đoàn hlôi iŏk đei hloh 13.100 ti hlak jên, đei iok yua sa hơpăh truh 800 ti hlak jên, tŏk 183% pơtêng hăm jăl hơdrol. Lơ̆m ou đei lơ trong jang pơting dih băl ‘lơ̆ng hơ iă păng iŏk đei jơnei kơtang nhen: “Vang tơgop jên tơplih dih băl tŏk iŏk”, “Drŏ kăn tơgum dih băl atok tơ iung muk drăm ŭnh hnam”, “Pơgar ‘long jang pơlong năng”, “Jang ƀa hrou” păng “Pơgar ‘nhot tơgoăt tơgoăl” hlôi tơlĕch jang hơnhăk đei iok yua kơjăp. Đơ̆ng iŏk đei kơ Tơdrong jang pơting dih băl jang pran kơtang, Binh đoàn 15 hlôi iŏk găh tơdrong jang choh jang sa pơm tơlĕch tĕch mơdro tơklep hăm vei lăng sơđơ̆ng hơrih sa tơpôl, tơgop pơm sơđơ̆ng tơring sơlam teh đak tơ̆ rim tơring tơrang mă hơnih ou oei.