‘Nâu jĭ dôm tơdrong jang găh trong nơnăm, jang pơgang, pơtho pơhrăm, cham ngôi pơ hiơ̆ - anih gru groa so păng dôm tơdrong jang gĭt kăl lơ̆m tơpôl. Dôm tơdrong jang âu đei tơlĕch jang păng et hơtŏk ưh lăp vă pơm hơtŏk tơdrong arih xa ăn kon pơlei đĕch mă oei tơgop hơmet pơ ‘lơ̆ng anih jang ki thuơ̆t, pơjing tơdrong ‘lơ̆ng vă sơng iŏk jên tơmât jang păng jang tŏk pran kơjăp ăn tơring lơ̆m dôm sơnăm truh.

Lêh tơm đei pơgơ̆r tơ̆ Anih pơdă tơƀôh tơmam kơ teh đak (xăh Đông Anh, Hà Nội), atŭm hăm ‘nŏh pơih pơdăh truh tơ̆ 79 anih pơm tivi tơ̆ tơring đei lơ tơdrong jang lơ̆m teh đak. Jơ pơm lêh roi tơƀôh jơhngâm đon pơhnŏng, bơ̆ jang tơnăp păng mât 1 ƀơ̆r đon đơ̆ng rim anih jang chinh trĭ mưh bơ̆ jang kiơ̆ trong jang atŏk tơiung, tưk tơiung jơhngâm đon hưch hanh, mât 1 jơhngâm păng adrin pơjing 1 teh đak Việt Nam roi đunh roi hơnŭk hơnoa.

Tơ̆ jơ pơm lêh et hơtŏk Anih pơdă tơmam kơ teh đak, Tổng Bí thư Tô Lâm păng Thủ tướng Nguyễn Minh Chính hơpăh Mê đai bơ̆jang dơ̆ng mă mônh, mă 3 ăn dôm khul grŭp đei lơ tơdrong tơgop ‘lơ̆ng, gĭt kăl ăn tơdrong jang tŏk mŭk drăm tơpôl tơ̆ Anih tơm păng lơ̆m teh đak. Tơ̆ tơring Tây Nguyên - Nam Trung Bộ ƀlep ƀât ‘măng mă âu đei 14 tơdrong jang đei tơlĕch jang păng et hơtŏk, lơ̆m noh Gia Lai đei 3 tơdrong jang, Đắk Lắk 3 tơdrong jang, Khánh Hòa 4 tơdrong jang, Lâm Đồng 4 tơdrong jang./.