Tơdrong hơmet ăn ‘măng pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei rim tơring jăl jang 2026-2031 pơgơ̆r lơ̆m khei ‘năr tôch kơ ‘lơ̆ng hơiă, ‘noh jĭ tơbăt 80 sơnăm Quốc khánh, yak truh tơbăt 80 sơnăm ‘Măng pôk rơih mă blŭng pôk Quốc hội Việt Nam, tơdrong jang găh pơgơ̆r khŭl jang tŏk bŏk đei bơ̆jang kiơ̆ pran kơtang, yak truh Hop akŏm bơngai tang măt lơ̆m teh đak ‘măng mă XIV kơ Đảng kŭm nhen tơdrong apŭng plĕnh teh đei lơ tơplih, tơdrong hơtŏk tơiung đơ̆ng tơplih kơsô̆.

Pơtôch ‘măng hop akŏm, Phŏ Kơdră Quốc hội Nguyễn Đức Hải pơma hơdăh, Khŭl roi tơbăt đei hơnăp jang tơgŭm Jơnŭm vei lăng pôk rơih kơ teh đak pơgơ̆r, pơtho tơdrong jang roi tơbăt păng krao hơvơn kon pơlei. ‘Nâu jĭ hơnăp jang đei tơdrong ‘lơ̆ng gĭt kăl, tơgop tơchơ̆t lơ̆m tơdrong jơnei đơ̆ng ‘măng pôk rơih. Yua thoi noh, dôm bơngai jang lơ̆m Khŭl roi tơbăt đei hơnăp jang ‘lơ̆ng, jang hơdai kơjăp hăm băl vă vei sơđơ̆ng ‘măng pôk rơih pơgơ̆r sơđơ̆ng, iŏk đei jơnei ‘lơ̆ng hloh.