Pơma pơgơ̆r ‘măng hop akŏm, Thủ tướng Phạm Minh Chính tơbăt, lơ̆m khei ‘năr ‘nao đei lơ teh đak tơƀơ̆p mơmat tat lơ̆m tơ jră tŏ ‘mi kial, yua thoi noh 1,2 teh đak hlôi đei dôm tơdrong jô̆ hơlen kơdŭn dơ̆ng lơ̆m tơdrong jang kiơ̆ dôm nơ̆r pơkăp đơ̆ng kơdih tơ̆ COP 26. Mă lei, hơtŏk tơiung rơgoh, tơplih ŭnh hơyuh, tơ jur tơlĕch hơyuh ‘mê̆ ‘mach ‘noh jĭ trong jang kăl, ưh kơ gơh tơplơ̆ hơdrơ̆k, ‘nâu jĭ tơdrong tơm hlôi đei sơkơ̆t hơdăh tơ̆ COP 28. Thủ tướng Phạm Minh Chính pơma hơdăh, tơdrong bơ̆jang kiơ̆ nơ̆r pơkăp đơ̆ng Việt Nam tơ̆ COP26 athei bơ̆jang hăm jơhngơ̆m hơdrin kơtang hloh dơ̆ng vă hơvơn rim kon jên bơ̆jang dôm tơdrong jang.

Thủ tướng athei dôm bơngai jang lơ̆m Anih pơgơ̆r jang ăn tơgop nơ̆r găh tơdrong hơmet ming trŏ luơ̆t pơm tơdrong hiôk ăn tơmơ̆t jên jang đơ̆ng anih mơdro sa, apŭng plĕnh teh lơ̆m tơplih ŭnh hơyuh păng dôm tơdrong nai mă bơngai jang lơ̆m Anih pơgơ̆r jang, dôm Anih tơm, Anih jang kơpal, tơring bơngơ̆t truh, vei sơđơ̆ng hrĕnh, ‘lơ̆ng đơ̆ng ‘Măng hop akŏm.