Năm yâu ka tơ̆ đak dơsĭ, yâu đei ka tôch lơ, kon pơlei jang ka Lâm Đồng đei iŏk yoa lơ
Thứ tư, 08:14, 24/09/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar - Đơ̆ng tơdrong adrin jang xa, yâu ka hơdang tơ̆ đak dơsĭ kơ kon pơlei jang ka, kon pơlei jang ka yâu đei ka Nam tôch lơ, ka rôp yâu đei tơ̆ đak dơsĭ kơ dêh char Lâm Đồng tŏk vă jê̆ 4% pơting hăm khei âu sơnăm sơ̆.
Lăp jô̆ hơdrô̆ lơ̆m khei 8 ka hơdang rôp yâu đei tơ̆ đak dơsĭ kơ dêh char đei hlŏh 23.200 tân păng jô̆ akŏm 8 khei âu ki đei hlŏh 163.300 tân, tơgŭm ăn kon pơlei jang xa đei iŏk yoa roi lơ.
Kŭm hăm rôp yâu, vă vei lăng 'lơ̆ng ka hơdang tơ̆ đak dơsĭ, khul vei lăng jang ka dêh char Lâm Đồng oei pơgơ̆r lơ 'măng dăr joang, vei lăng vă chă ƀôh, tang găn tơtom dôm tơdrong pơm glăi hăm tơdrong jang ka. Đơ̆ng blŭng sơnăm truh dang ei khul jang kơpal dêh char Lâm Đồng tơlĕch 27 tơdrong tơchơ̆t phak, hăm kơsô̆ jên phak mưh pơm glăi vă jê̆ 350 triu, jur 1 puăt pơting hăm khei âu sơnăm sơ̆./.
Viết bình luận