Kiơ̆ kơ noh, rim anih jang hơtŏk pran iŏk yua tơdrong rơgei khua hŏk, trong jang 'nao lơ̆m vei lăng axong yua unh hơyuh, pơm kiơ̆ dôm trong jang kih thuơ̆t păng vei lăng vă tơjur ƀiơ̆ huach unh hơyuh, hơtŏk tơdrong tơnăp 'lơ̆ng lơ̆m axong unh hơyuh yua; vei lăng jên huach yua unh hơyuh mă trŏ ƀlep hăm tơdrong đei ƀôh. Rim anih jang adrin tơjur tŏ xĕt jat noh 80% kơmăi kơmŏk 'nao. Jên huach hơnơ̆ng ăn tơdrong hop akŏm, pơma đam, gre yua đak xăng, unh hơyuh, đak, tơmam 'măn pơm jang... đei iŏk yua trŏ ƀlep. Tơdrong axong jang dơnơm, vei xơđơ̆ng keh đang dôm tơdrong jang kiơ̆ nhen pơkăp tơlĕch. Atŭm hăm noh, anih jang găh unh hơyuh adoi pơtoi hơtŏk kơtang tơdrong tơroi tơbăt păng pơtho bơngai yua unh iŏk yua mong ƀiơ̆, tơnăp.