PC Đắk Lắk tơgŭm hlŏh 500 triu hlak jên ăn kon pơlei tơ̆ tơring đak lơ̆p
Thứ tư, 14:03, 25/09/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Kơdră chĕp kơ̆l Công ty jang unh điên Đắk Lắk hlôi pơjao 100 triu hlak jên ăn Anih Mặt trận Tổ quốc Việt Nam dêh char Đắk Lắk vă tơgŭm ăn kon pơlei tơ̆ dôm dêh char găh Tu hơmet pơ ‘lơ̆ng hiong răm đơ̆ng ‘mi kial, đak lơ̆p.
Atŭm hăm ‘nŏh, jang kiơ̆ nơ̆r krao hơvơn đơ̆ng Anih Mặt trận Tổ quốc Việt Nam, anih jang unh điên Đắk Lắk krao hơvơn rim kăn ƀô̆, công nhân, bơngai jang vang tơgŭm tŏ sĕt hlŏh ‘nŏh 1 năr jên khei păng mong đei 387 triu hlak jên.
Kơsô̆ jên âu hlôi gơih ăn Công ty tơm jang unh điên Tơring Tŏk bŏk vă akŏm, gơih tơgŭm ăn kon pơlei tơ̆ tởỉng đak lơ̆p. Adrol kơ ‘nŏh, Anih jang unh điên Đắk Lắk oei gơih kơ thơ apinh jet, kŭm hăm kơsô̆ jên 50 triu ăn Anih jang unh điên Lạng Sơn, vang tơgop kŭm hăm anih jang pơm ‘nhŏng oh hơmet ming anih jang, tơlei unh điên đơ̆ng rŏng kơ ‘mi kial.
Viết bình luận