Tơgum ăn hơnih jang ming man Pơnơ̆t đak Krông Pach Thượng, đơ̆ng blung sơnăm au truh dang ei, Hơnih jang ŭnh hơyuh Ea Kar (Đăk Lăk) tŏk bŏk jang hơdoi kơjăp hăm rim khul iung jang yông, pơjing hơnih oei sa ‘nao ăn rim ŭnh hnam kon pơlei tơring Cư San (M’Đrắk) găh Hơnih oei ‘nao kơsô̆ 2, găh tơring Cư Bông (Ea Kar).

Kiơ̆ trong vă jang, đơ̆ng blŭng khei 2 truh đĭ khei 4/2023, gô đei 488 ŭnh hnam kon pơlei lech veh đơ̆ng tơring vă pơjing dơnau đak Krông pách thượng vih erih sa tơ̆ tơring Cư Bông.

Hơnih jang ŭnh hơyuh Ea Kar hlôi pơjing 2 khul jang vă tơgŭm djru ăn bơ̆ jang yông kon pơlei. Khul 1 tơgŭm djru yaih tơlei ŭnh hơyuh tơ̆ tơring Cư San. Khul 2 tơgŭm dăng pơlăp ŭnh hơyuh tơ̆ hơnih oei ‘nao Cư Bông vă tĕnh koăng tơgŭm ăn kon pơlei sơđơ̆ng erih sa,jang sa. Trŭh blŭng khei 3, rim khul hlôi tơgŭm djru 36 ŭnh hnam yông oei hơnih ‘nao, ming man hnam sơđơ̆ng erih sa tơ̆ hơnih hle.