Lơ kon pơlei tah hla xah Tịnh Khê, pơlei tơm Quảng Ngãi tơroi gah lơ tơdrong pơngơ̆t kơ đon hăm tơgar teh, ming man glăi, pơm yoch tơchơ̆t vei sơđơ̆ng tơring kơdrơ̆m; minh ƀar tơchơ̆t jang oei pơrăm truh tơdrong tơlĕch tơgŭm ăn kon pơlei. Phŏ Kơdră Kuôk hô̆i Trần Quang Phương hlôi chih akŏm dôm nơ̆r pơtruh đơ̆ng kon pơlei tah hla păng pơgơ̆r jơnŭm pơgơ̆r dêh char Quảng Ngãi păng rim anih juăt jang akŏm sek tơlang păng tơl nơ̆r apinh đơ̆ng kon pơlei.

Hăm dôm nơ̆r pơtruh hăm teh đak, Khul tang măt ăn Kuôk hô̆i chih akŏm păng gô pơtruh ăn dôm anih jang tơm, anih jang tơ̆ Trung ương. Tơrĕk truh dôm tơdrong tơhlăk tơhlĭn kơyuơ Luơ̆t Groi teh ‘nao tơmơ̆t yua, Phŏ Kơdră Kuôk hô̆i Trần Quang Phương ră hơdah: “12 triu nơ̆r pơtruh đơ̆ng kon pơlei gah Luơ̆t Groi teh âu ah hơmet hơlen tơchơ̆t, iŏk nơ̆r tơgop đơ̆ng kon pơlei ‘noh hăp kăp gĭt tơpă, dang ei vă gơh pơ-‘lơ̆ng noh athei gô Luơ̆t đei tơmơ̆t yua lơ̆m tơdrong hơrih ‘mơ̆i noh pơtơm gơh tơl nơ̆r.