Pơgê năr 14/4, bơngai jang lơ̆m Ƀan châ̆p hanh TW Đảng, atŭm hăm Khul kơpal kơ Anih jang ƀok Kơdră teh đak, đe Kơdră dêh char Bến Tre Truh apong unh hnam Phŏ thủ tướng xo xơ̆ kơ teh đak bơ̆n noh ƀok Trương Vĩnh Trọng, Phŏ Kơdră teh đak păng khul kơpal truh plang hlôt nhang ƀlŏk tơbăt hăm bơngai kang ƀô̆, đảng viên gơh hơgei, kơdră dơnưp tơpăt jue, hơrih tơguăt ling lang hăm kon pơlei. Phŏ Kơdră teh đak bơ̆n yă Võ Thị Ánh Xuân chă apinh jet gia pơma dơnuh, apinh găh jơhngơ̆m jăn hăm yă Hồ Công Cẩn hơkăn ƀok Phŏ Thủ tướng xo xơ̆ Trương Vĩnh Trọng păng unh hnam, gơh đei lơ tơdrong hơ-iă jơnap. Atŭm 'năr noh, Phŏ Kơdră teh đak bơ̆n yă Võ Thị Ánh Xuân păng Khul kơpal hlôi truh apong, axong tơmam ăn kơ yă đei hơnăn mĕ Việt Nam Nuih mơng Phan Thị Ren, oei tơ̆ kueng Nhơn Quới, xăh Mỹ Nhơn, apŭng Ba Tri. Phŏ Kơdră teh đak bơ̆n chă apinh găh jơhngơ̆m jăn păng thơ thâu hăm yă hơrih xô̆ chơt, grăng pran hăm unh hnam, kon xâu.