Pơ ma tơ̆ hop akŏm, Phŏ Kơdră teh đak Võ Thị Ánh Xuân pơma hơdăh, khei ‘năr âu ki, pơ jei pôk hơ păh hlôi jing tơdrong ‘lơ̆ng, trong jang vă đĭ đăng vang 1 jơhngơ̆m đon bơ̆ jang kiơ̆ ‘lơ̆ng hơnăp jang chĭnh trĭ lơ̆m tơdrong ‘nao.

Găh tơdrong jang pơ jei băl ưh kơ gơh pơm vă kơ lơ mă athei mă tơ pă, lang să lơ̆m tơdrong arih sa; hơdai hăm athei jang ‘lơ̆ng hloh tơdrong jang pôk hơ păh, pôk pơ ư dôm bơngai jang ‘lơ̆ng. Phŏ Kơdră teh đak Võ Thị Ánh Xuân athei hăm jơ hngơ̆m pơ̆n tơchĕng , pơ̆n jang  đơ̆ng bơngai tơring Hơlĕch hơnơ̆ng hơdrin vă iŏk đei dôm jơnei ‘lơ̆ng lơ̆m jăl jang ‘nao, tơgop tơ găl lơ̆m tơdrong hơtŏk tơiung kơ teh đak. Tơ̆ hop akŏm, Bình Dương pơjao hla kơ ăn Tơring pơ gơ̆r tơdrong pơ jei băl sơnăm 2023 ‘noh jĭ Bình Phước.