Tơ̆ jơ pơma đam, 2 ‘nu kơdră chĕp kơ̆l drơ̆ng nơ̆r hơtŏk hlŏh dơ̆ng tơdrong tơƀâp păng pơma nuh ăn dôm khul jang kơpal păng khul jang tơ̆ tơring, hơtŏk tơdrong pơvei đơ̆ng dôm anih jang, khul grŭp đơ̆ng 2 păh. 2 ‘nu kơdră drơ̆ng nơ̆r vă hơnơ̆ng jang hơdoi mă kơjăp, tơgŭm băl tơ̆ dôm khul jang lơ̆m tơring păng lơ̆m apŭng plenh teh, mă loi ‘nŏh tơ̆ Liên hợp quốc păng Khul ưh đei jang hơdoi.

Việt Nam hôn bơnê păng ‘mĕh pơm gơng tơƀưh vă Nepal hơtŏk tơdrong jang hơdoi hăm ASEAN păng athei Nepal pơm gơng tơƀưh tơgŭm ăn Việt Nam hơtŏk tơdrong pơvei hăm dôm teh đak Nam Á. 2 ‘nu kơdră oei drơ̆ng nơ̆r jang hơdoi kơjăp, vang bơ̆ jang lơ̆m dôm tơdrong adrin jơ̆p plei teh vă tơjră hăm tŏ ‘mi kial tơplih, bơ̆ jang kiơ̆ nơ̆r pơkăp ưh đei pơm tơklĕch kơchơ̆t ‘mê̆ ‘mach lơ̆m sơnăm 2050 kŭm nhen vang bơ̆ jang lơ̆m dôm tơdrong jang vei lăng rơngei đơ̆ng Liên hợp quốc.