Đei pơjing sơnăm 2005, đơ̆ng rŏng hloh 17 sơnăm pơjing păng jang đei, khŭl jang kơ Jơnŭm hlôi hơtŏk tơiung jơ̆p jang đơ̆ng trung ương truh rim tơring hăm kơ sô̆ bơngai jang roi ‘năr roi tŏk.

Pơma tơ̆ jơ tơƀơ̆p, Phŏ kơdră teh đak Võ Thị Ánh  Xuân ‘meh vă tơpôl mơdro sa hơnơ̆ng hơdrin pơ jing um rup bơngai jang mơdro sa đei tơdrong hơiă Việt Nam; hơtŏk ‘lơ̆ng jơhngơ̆m đon chhôk ‘nă hơdrĕch hơdrŭng, jơhngơ̆m đon ‘lơ̆ng tĕch mơdro, hơtŏk tơdrong pơm tơ ‘ngla păng bơ̆ jang kiơ̆ tơdrong jang đơ̆ng anih mơdro sa kiơ̆ tơdrong hơgăt đơ̆ng khôi luơ̆t; đei ‘meh vă yak tŏk pơm pơdrŏng ăn kơ dih, ăn teh đak.