Tơ̆ hop akŏm, tang măt ăn rim anih jang tơm hlôi pơma đam, pơklaih minh ƀar tơnap tap mă pơlei tơm Hải Phòng tŏk bŏk oei bơh ƀơm; pơgơ̆r pơlei tơm akŏm hơtŏk dôm tơdrong hơtŏk tơ-iung 'nao nhen: Tơlĕch ming anih jang tĕch pơdro hiôk hian; unh hơyuh đơ̆ng kial tơ̆ đak dơsĭ; tơplih kơmăi kơsô̆...

Bơnê kơ dôm tơdrong jang mă Hải Phòng hlôi jang đei jơnei, Phŏ Thủ tướng Hồ Đức Phớc ră hơdah: “Hải Phòng tôi sơnong jang tih tên tơpă” păng akhan, hăm anih dơ̆ng 'nao, pơlei tơm Hải Phòng kăl chă hơlen hơdah tơdrong hlôh vao lơ̆m apŭng plenh teh, iŏk yua trŏ ƀlep hăm tơdrong đei ƀôh tơ̆ tơring lơ̆m pơkăp Hải Phòng ('nao); pơjing anih jang mŭk drăm hiôk hian; rơih dôm anih asong jang dơnơm, đei kơmăi kơmŏk 'nao tơguăt hăm tơplih khua hŏk kơmăi kơmŏk hơgei, vei sơđơ̆ng ăn tơdrong hơtŏk tơ-iung tenh, kơtang, kơjăp sơđơ̆ng.