Phŏ Thủ tướng teh đak bơ̆n Lê Minh Khái xơkơ̆t, Bình Dương jing dêh char đei tơgop tih tên ăn jên mong kơ teh đak păng hơtŏk mŭk drăm – tơpôl kơ teh đak. Đơ̆ng rŏng hloh 25 xơnăm, Bình Dương hlôi hơtŏk jing tơring hơtŏk tơ-iung pran găh kŏng ngĭp, tĕch pơdro. Phŏ Thủ tướng pơkăl, Bình Dương kăl akŏm pơm jang đei jơnei tơdrong jang đơ̆ng Jơnŭm pơgơ̆r teh đak kiơ̆ Tơchơ̆t kơsô̆ 24-NQ/TW đơ̆ng Anih tơm Chĭnh trĭ păng tơchơ̆t pơm jang kơ tơring. Bình Dương tơlĕch jang kơjăp tơdrong axong jên jang kơ teh đak; hơtŏk hơvơn iŏk yua dôm tơdrong pran vă hơtŏk tơ-iung, mă kăl noh jang hadoi teh đak păng tơ-'ngla vă hơvơn jơhngơ̆m pran đơ̆ng anih jang mŭk drăm, kon pơlei, tơpôl kiơ̆ tơchơ̆t pơyua hơtŏ dih băl. Bình Dương kăl băt hơdăh tơdrong đei vă pơklaih tơnap tap lơ̆m pơm jang, tĕch pơdro ăn anih jang mŭk drăm, tơrĕk ăn tơdrong erih bơngai jang; jang tơnăp tơdrong pơkăp atŭm kơ dêh char.