Tơ̆ hop akŏm asong jang ‘măng mă âu, dêh char Bến Tre hơvơn đei  32 tơdrong asong jang gah Kŏng ngĭp, ming man păng tĕch răt hnam tơ̆ dôm anih jang kŏng ngĭp, jang gah đak xăng đak dâu, hơyuh soh, tơmang pơhiơ̆, choh jang xa – tơring tơrang, dơnŏk duk, tơring kơdrơ̆m. Pơma ah hop akŏm, Phŏ Thủ tướng teh đak bơ̆n Nguyễn Hòa Bình bơnê kơ dôm tơdrong hơdrin đơ̆ng Anih jang Đảng, jơnŭm pơgơ̆r tơring lơ̆m tơdrong hơvơn asong pơm jang lơ̆m khei năr âu ki.

Kiơ̆ kơ Phŏ thủ tướng lơ̆m khei năr truh, Bến Tre athei tơguăt kơjăp hăm tơchơ̆t tơlĕch jang đơ̆ng Đảng păng Teh đak; tơguăt hăm tơdrong pơm kiơ̆ dôm Tơchơ̆t đơ̆ng Trung ương, Anih jang Đảng dêh char; pơgơ̆r tơlĕch jang đei jơnei Pơkăp, vei sơđơ̆ng tơlĕch jang trŏ hăm tơdrong pơkăp jang kơ teh đak, pơkăp tơdrong tơlĕch jang. Hơvơn tơnăp tơdrong iŏk yua jơhngơ̆m pran đơ̆ng asong jang vă hơtŏk mŭk drăm – tơpôl.