Tơ̆ jơ dăr lăng, kơdră chĕp kơ̆l dêh char Lâm Đồng păng tang măt Grŭp jang Đèo Cả (anih jang apĭnh tơmơ̆t jên jang tơdrong jang) tơroi dôm tơdrong mơmat tat, tơhlăk tơhlĭn lơ̆m tơlĕch jang pơm hla ar tơmơ̆t jên jang dôm tơdrong jang pơm trong gre kơdâu hrĕnh. Kiơ̆ kơ ‘noh, pơ đĭ 2 tơdrong jang dang ei tơƀơ̆p 1,2 mơmat tat găh jên, trong jang tơgŭm iŏk yua, tơplih găh trong kŭm hăm dôm tơdrong tơplih găh hơgăt teh tơplih iŏk yua bri, tơdrong hơdrom băl hăm trong chĕng hơmet teh khoáng sản.

Kiơ̆ tơdrong bơ̆jang đơ̆ng khŭl, Phŏ Thủ tướng Trần Hồng Hà kŭm hăm bơngai tang măt dôm anih tơm, anih jang ƀơm truh gô bơ̆jang hăm kơdră chĕp kơ̆l Anih jang Đảng dêh char, Anih vei lăng kon pơlei dêh char Lâm Đồng vă hơmet pơ ‘lơ̆ng dôm tơdrong mơmat tat, tơhlăk tơhlĭn đơ̆ng tơdrong jang pơm trong gre kơdâu hrĕnh Nha Trang - Đà Lạt.