Tơ̆ jơ sơng, Phŏ Thủ tướng Trần Lưu Quang tơƀôh đon chơt hơiă kơ Tơdrong pơvei jang hơdai Việt Nam-Australia roi hơtŏk tơiung pran kơtang, yak mơ̆t ‘lơ̆ng hơiă, tơpă lơ̆m lơ tơdrong jang, mă loi ‘noh, mơdro sa 2 pang tŏk pran, iŏk đei 16,1 ti USD lơ̆m sơnăm 2022, tŏk hloh 30 ‘măng pơtêng hăm sơnăm 2021, hơnhăk Australia jing teh đak mơdro sa hơdai tih hloh mă 10 kơ Việt Nam păng Việt Nam jing teh đak mơdro sa tih hloh mă 7 kơ Australia.

Phŏ Thủ tướng athei 2 păh jang hơdai kơjăp vă pơgơ̆r ‘lơ̆ng dôm tơdrong jang tơbăt 50 sơnăm pơ jing tơdrong pơvei jang tơbôl Việt Nam-Australia lơ̆m sơnăm 2023, lơ̆m noh đei tơdrong hơmet ‘lơ̆ng ăn dôm tơdrong jang pơma dơnuh khŭl đơ̆ng 2 teh đak tơ̆ hơnăp kơnh. Kiơ̆ lơ̆m tơdrong pơvei 2 pang ‘lơ̆ng hơiă, 2 kơdră chĕp kơ̆l pơma hơdăh tơdrong gĭt kăl đơ̆ng tơdrong rơngei, sơđơ̆ng, jang hơdai lơ̆m tơring păng lơ̆m apŭng plĕnh teh; pơ yom tơdrong tơchơ̆t Liên Hợp Quốc păng luơ̆t apŭng plĕnh teh.