Tơring krê kơ unh xa dêh hlŏh jĭ tơ̆ dôm xăh: Mo Rai, Rờ Kơi (apŭng Sa Thầy) păng Pờ Y, Sa Loong (apŭng Ngọc Hồi). Tơ̆ dôm xăh âu đei vă jê̆ 20.000ha bri ‘long pơ o, kram, ‘lao, ‘ngiĕt gia kơna tôch hơmơt kơ unh xa. ‘Ngoăih kơ ‘nŏh hlŏh 240 ha bri ‘long pơtăm đơ̆ng sơnăm 2014 truh dang ei tơ̆ anih âu kŭm đei tơ̆ tơring tôch hơmơt đei unh xa bri ‘năi.

Anih vei lăng Pơgar ‘long tĕh đak Chư Mom Ray vei kơjăp 14 tŏ hnam păng 21 anih gak tang găn unh xa bri, bơ̆ jang hơnơ̆ng prăt măng prăt năr. Kŭm hăm ‘nŏh anih âu oei akŏm khul jang đơ̆ng 23 khul tơpôl iŏk vei lăng bri vang bơ̆ jang tang găn unh xa bri.