Hăm hơnăn “Atŏk kơtang jang kiơ̆ jơhngơ̆m pran tơgoăt tơgoăl hơdrĕch hơdrung, atŏk kơtang pơm tơm kơdih, pơting dih băl tơ iung pơjing păng atŏk tơ iung pơlei tơm HCM gơ̆h hơgei, oei sa ‘lơ̆ng”, Hop akŏm tih ‘măng mă ou gô pơdrơ̆ng kiơ̆ hla bơar tơbăt hơdăh pơtôch jang kiơ̆ Tơdrong Tơchơ̆t Hop akŏm kơdră tang măt pơlei tơm ‘măng mă XI, nhiệm kỳ 2019 – 2024; lăng hơlen dôm tơdrong ‘lơ̆ng, tơƀôh hơdăh dôm tơdrong jang tim mă ‘lơ̆ng, đơ̆ng noh hơlĕch iung jang tơdrong jang mă ‘lơ̆ng; tơlĕch jang tơdrong jang tơm, rim trong iung jang kơ Mặt trận Tổ quốc Pơlei tơm jăl jang 2024 – 2029. Kiơ̆ đơ̆ng noh vă atŏk kơtang hơnăp jang, hơnih dơ̆ng kơ Mặt trận Tổ quốc lơ̆m tơdrong akŏm rim răih kon pơlei, pơm hơtŏk kơtang rim tơdrong jang pơting dih băl jang pran kơtang tơklep hăm rim ‘măng hơvơn; iung jang kiơ̆ tơpăt, iung jang dăr lăng, tơblang hơdăh tơpôl, vang iung jang tơ iung pơjing Đảng, tơ iung pơjing khul kơdră chĕp pơgơ̆r tơring, rơgoh ‘lơ̆ng, pran kơtang; atok kơtang jơhngơ̆m pran tơgoăt tơgoăl hơdrĕch hơdrung lơm tơ iung pơjing, atŏk tơ iung Pơlei tơm.