‘Măng hop akom ou đei pơgơ̆r lơ̆m 2 ‘măng. ‘Măng mă 1 đơ̆ng năr ou truh pơgê năr 13/9; ‘măng mă 2 đơ̆ng năr 23 truh năr 26/9. Tơ̆ hop akom ou, Hơnih bơ̆ jang Kuô̆k hô̆i ăn tơgop nơ̆r lơ tơdrong kăl. Găh bơ̆ jang pơjing khôi luơ̆t, Hơnih bơ̆ jang Kuô̆k hŏi ăn tơgop nơ̆r rim tơdrong vă pơjing Khôi luơ̆t: Khôi luơ̆t Hóa chất (hơmet ming); Khôi luơ̆t Thuê̆ tĕch răt gĭt kăl; Khôi luơ̆t thuê̆ jang sa iŏk đei hơnih mơdro sa (hơmet ming); Khôi luơ̆t hơmet ming, tơmơ̆t dơ̆ng mĭnh ƀar apăng Khôi luơ̆t Kuang kăo; Khôi luơ̆t Tơdrong jang (hơmet ming); Khôi luơ̆t Dữ liệu; Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t ƀao hiêm jang pơgang; Khôi luơ̆t Ƀok thây kô pơtho; Khôi luơ̆t hơmet ming, tơmơt dơ̆ng mĭnh ƀar apăng kơ Khôi luơ̆t Si kuan ƀô̆ đô̆i Việt Nam; Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t bơ̆ jang dăr lăng kơ Kuô̆k hô̆i păng Jơnŭm vei lăng kon pơlei; Khôi luơ̆t bơ̆ jang vei lăng păng tơmơ̆t jên jang kon jên teh đak tơ̆ hơnih mơdro sa.