Pơgê 20/4, tơ̆ Hà Nội, Anih tơm vei lăng jang kơmăy, tĕch mơdro pơgơ̆r giĕng lêh Hơnăn tơmam tĕh đak păng hop akŏm apŭng plenh tĕh găh Hơnăn tơmam tĕh đak Việt Nam 2023 đei kơ̆l “Tơbăt hơnăn tơmam Việt Nam rơgŏh ‘lơ̆ng". Tơdrong jang đei lơ̆m Dôm tơdrong jang găh Hơnăn tơmam tĕh đak Việt Nam sơnăm 2023, tơbăt năr Hơnăn tơmam Việt Nam 20/4, hơtŏk tơdrong hlôh vao găh Hơnăn tơmam Việt Nam panwg roi tơbăt dôm tơ mam iŏk đei Hơnăn tơ mam tĕh đak Việt Nam.  

Hop akŏm Hơnăn tơmam tĕh đak Việt Nam 2023 đei kơ̆l “Tơbăt hơnăn tơmam tĕh đak Việt Nam rơgŏh ‘lơ̆ng” đei Anih tơm vei lăng jang kơmăy, tĕch mơdro pơgơ̆r ƀât mă Việt Nam oei adrin hơtŏk dôm tơdrong tĕch mơdro, vă tưk tơiung dơ̆ng mŭk drăm păng jang tŏk đơ̆ng rŏng kơ jĭ Covid 19. Kiơ̆ dôm bơngai juăt jang, hơnăn tơmam rơgŏh ‘lơ̆ng hơnhăk ba lơ tơdrong đei yoa găh mŭk drăm kŭm nhen kơjă tĕch hloi, tơgŭm ăn anih tĕch mơdro hơtŏk kơsư̆k pơjei tơ̆ anih tĕch mơdro, mă loi ƀât mă Việt Nam vang jang lơ̆m trong tĕch mơdro xa jơ̆p plei tĕh.