Phŏ thủ tướng Trần Lưu Quang, kơdră chĕp kơ̆l dôm anih tơm, anih jang, kơdră chĕp kơ̆l dêh char Dak Lak kiơ̆ rim jơhnơr, tang măt dôm anih jang pơm tơlĕch păng tĕch cheh phe hăm teh đak đe lơ̆m teh đak păng apŭng plĕnh teh hơdai hăm lơ lap dôm hơdrĕch hơdrŭng lơ̆m păng ‘ngoăih dêh char vang akŏm. Hăm hơnăn “ Buôn Ma Thuột – hơnih truh đơ̆ng cheh phe apŭng plĕnh teh”, Lêh Cheh phe Buôn Ma Thuột ‘măng mă 8 hơnơ̆ng sơkơ̆t hơdăh păng hơtŏk anih dơ̆ng cheh phe Việt Nam lơ̆m apŭng plĕnh teh.

Pơma tơ̆ jơ pơm lêh, Phŏ thủ tướng Trần Lưu Quang pơma hơdăh Kơdră chĕp kơ̆l dêh char athei pơ jing tơdrong jang roi tơƀôh, marketing, tơƀôh hơdăh hơnăn ‘lơ̆ng mă lăp hăm tơdrong kĕ jang đơ̆ng kơ dih. Tŭn pran hơtŏk tơiung cheh phe ‘lơ̆ng, cheh phe đei hơdrô̆ đơ̆ng Việt Nam hăm ƀau phu ‘lơ̆ng, hơ drô̆ đei hla ar pơkăp kiơ̆ hơgăt ‘lơ̆ng apŭng plĕnh teh pơm lăp hăm ‘meh vă huch, lăng đơ̆ng bơngai răt yua roi ‘năr roi lơ.