Pơma pơih blŭng hop akŏm, Kơdră Quốc hội Trần Thanh Mẫn pơma hơdăh, athei ‘moi kiơ̆ dôm tơdrong hơgăt hlôi đei drơ̆ng nơ̆r đơ̆ng blŭng jăl jang, ‘nŏh jĭ athei pơ ‘nhŏ hơdrol hlŏh ăn tơdrong chih đei khôi luơ̆t ‘lơ̆ng, ưh kăl chih lơ luơ̆t, lăp kăl chih đei dôm khôi luơ̆t đei yoa ‘lơ̆ng, gơh sek tơlang rim tơdrong tơhlăk vă tơroi ăn Quốc hội pơdrơ̆ng nơ̆r.

Đơ̆ng rŏng kơ lêh pơih blŭng, dôm bơngai tang măt tơgop nơ̆r găh Luơ̆t Proh hơmet tơring kơdrâm păng tơring tơrang. Lơ̆m noh, tơdrong proh hơmet atŭm plt găh trung ương đei lơ bơngai tang măt tôch tơrĕk, tơgop lơ nơ̆r. 1,2 nơ̆r pơma kŭm athei proh hơmet tơring kơdrâm mă hrơ̆ch ‘lơ̆ng găh hnam oei, trong, anih jang păng cham char.