Tơdrong kăl tơrĕk lơ̆m hop akŏm âu ‘nŏh, Anih chĕp kơ̆l pơgơ̆r Kuô̆k hô̆i vă pơgơ̆r apinh jet păng tơl nơ̆r apinh jet hăm 1,2 tơdrong ƀơm truh Anih sek tơlang păng Anih dăr hơlen tơkêng tơdrong yoch. Kơdră chĕp kơ̆l Anih tơm sek tơlang kon pơlei Nguyễn Hòa Bình păng Kơdră Anih tơm dăr hơlen, tơkêng kon pơlei Lê Minh Trí vă tơl nơ̆r apinh lơ̆m hop akŏm. Tơ̆ dôm ‘măng apinh jet, đe ƀok Kơdră tơm vei lăng Công an, jang Tư phap; Kơdră Anih dăr hơlen kơ Khul kơdră tĕh đak vang iung tơl tơblang hăm dôm tơdrong đei ƀơm truh ‘năi. 

Lơ̆m hop akŏm âu mơ̆n, Anih chĕp kơ̆l pơgơ̆r Kuô̆k hô̆i tơgop nơ̆r ăn 1,2 tơdrong tih oei đei lơ nơ̆r pơma pha ra băl lơ̆m Luơ̆t kơjă (oei chih hơmet); Luơ̆t chă rơih bơngai iŏk jang (oei chih hơmet); tơgop nơ̆r ăn Luơ̆t Tơmam đak (oei chih hơmet); Luơ̆t vei lăng anih jang kơ khul linh păng tơring pơyoa ăn khul linh; Luơ̆t hơp tak xăh (oei chih hơmet); Luơ̆t Hnam oei (oei chih hơmet).