Pơma tơ̆ Lêh mơ̆t hŏk blŭng, yă H’Yim Kđoh, Phŏ Kơdră Anih vei lăng kon pơlei dêh char Đắk Lắk hmach hơiă kơ dôm jơnei mă hnam trưng Đại học Đông Á tơ̆ Đắk Lắk hlôi iŏk đei lơ̆m khei ‘năr âu ki; chih iŏk dôm tơdrong hơdrin đơ̆ng khŭl kơdră vei lăng hnam trưng vă đe oh sinh viên đei hŏk pơhrăm lơ̆m hnam trưng ‘lơ̆ng, đei tôm tơmam, kơmăy kơmŏk ‘nao, hơgei hơdai hăm khŭl đe thây kô pơtho hơgei.

Tơ̆ Lêh mơ̆t hŏk blŭng, Hnam trưng hlôi pôk pơ ư păng pơjao 5 kơ suơ̆t hŏk ƀŏng 50% jên hŏk đĭ jăl hŏk, 9 kơ suơ̆t hŏk ƀŏng 25% jên hŏk đĭ jăl hŏk truh dôm sinh viên ‘nao. Hơdai hăm chih iŏk păng pơjao kơ hrĕng kơ suơ̆t hŏk ƀŏng pơtrŭt hŏk hăm kơjă 7 triệu hlak jên 1 kơ suơ̆t. Akŏp kơjă hŏk ƀŏng hơgei păng pơtrŭt hŏk sơnăm 2024 đei pơjao hloh 4,7 ti hlak jên.