Hrei au lơ̆m dêh char Hải Dương đei pơđĭ 178 tơring iŏk đei jing tơring tơrang ‘nao, 43 tơring iŏk đei pơkăp tơring tơrang ‘nao kơtang păng 4 tơring iŏk đei tơring tơrang ‘nao pơm jŭk; 12 apŭng, thĭ xăh, pơlei tơm iŏk đei tơring tơrang ‘nao dăh mă hlôi jang keh đang  tơ iung pơjing tơring tơrang ‘nao.

Iung pơma tơ̆ ‘măng pơgơ̆r, Thủ tướng Teh đak Phạm Minh Chính pơma hơdăh, Hải Dương hlôi đei lơ tơdrong hơdrin păng iŏk đei jơnei hơ iă, tơgop gĭt kăl lơ̆m tơdrong jang jơnei lơ̆m teh đak găh jang kiơ̆ Tơdrong jang Teh đak tơ iung pơjing tơring tơrang ‘nao. Thủ tướng lui, hăm jơhngơ̆m pran ‘nao, tơdrong hơdrin hle păng hơpơi ‘mĕh vă hle, Hải Dương hơnơ̆ng iŏk đei kơtang hloh dơ̆ng găh atŏk tơ iung mŭk drăm-Tơpôl, tơ iung pơjing tơring tơrang ‘nao lơ̆m jăl jang truh au kơnh.