Tơdrong jang pơm hơmet trong gre 28B đơ̆ng dêh char Lâm Đồng kơjung hlŏh 68km, dôm anih jang ming man hlôi đei vă jê̆ 40km trong, pơm hơmet kơmŏng, tuh tơmo iĕ vă jê̆ 58km, tuh bê tông hlŏh 31km. Tơdrong jang pơm hơmet ming trong gre 28B đei jên jang hlŏh 1.400 ti yoa Anih vei lăng trong gre teh Việt Nam pơm tơ ‘ngla tơmât jên jang. 6 tŏ gơng tơ̆ kông man tôch pơmat, yoa teh ưh kơjăp păng hơnơ̆ng đei ‘mi.

Trong gre 28B jĭ 1 lơ̆m dôm tŏ trong gre tơm tơƀưh tơring đak dơsĭ hăm tơring groi kông kơ dêh char Lâm Đồng. Dang ei tơ ‘ngla tơmât jên jang ‘nŏh jĭ Anih vei lăng trong gre teh Việt Nam păng Anih vei lăng kon pơlei dêh char Lâm Đồng oei adrin jang hơdoi hơtŏk hơtŏk hrĕnh tơdrong jang ming man, pơm hơmet ming trong truh khei 12 sơnăm ‘nâu.