Lơ̆m 2 năr, 200 bơngai hŏk 'noh kang ƀô̆, bơngai jang kơ dêh char păng xah đei hŏk gah dôm khôi luơ̆t 'nao đei pơkăp, pơhrăm gah tơdrong asong, sek tơlang hla bar pơtruh gah tơdrong tơnap tap păng iŏk yua kơmăi kơsô̆ lơ̆m tơdrong jang.

Kiơ̆ kơ ƀok Ngô Kiểm, Kơdră Anih jang Dăr hơlen dêh char Lâm Đồng, tơdrong pơih lăm pơhrăm ou ưh hơdrô̆ hơtŏk pơ-'lơ̆ng tơdrong jang sơng drơ̆ng kon pơlei mă oei tơƀôh tơdrong jang khŏm mă pơjing tơdrong jang hanh chinh hlăng 'lơ̆ng, tơnăp, hơmet đon lui kơ kon pơlei. Atŭm hăm noh ră hơdah, mưh khul pơm jang tơ̆ tơring jang tơnăp, sek tơlang tơtom đơ̆ng blŭng, gô tang găn ƀiơ̆ tơdrong pơtruh hla bar tơkêng hloh kơ jăl pơkăp, tơgop jang đei jơnei kiơ̆ pơkăp jơnŭm pơgơ̆r 2 tăl.