Pơtôch Lêh cheh phe Buôn Ma Thuột ‘măng mă 8
Thứ tư, 12:47, 15/03/2023
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Đơ̆ng rŏng 5 năr pơ gơ̆r hăm lơ tơdrong jang ‘lơ̆ng hơiă, gơmăng hei (14/3), tơ̆ Cham să 10/3 pơlei tơm Buôn Ma Thuột, Dak Lak hlôi pơgơ̆r lêh pơtôch Lêh cheh phe Buôn Ma Thuột ‘măng mă 8, sơnăm 2023.
Pơgơ̆r đơ̆ng ‘năr 10/3 truh 14/3, lêh hlôi sơng đei dang 90 rơbâu ‘nu tơmoi truh tơ̆ Dak Lak, lơ̆m noh đei 600 ‘nu tơmoi apŭng plĕnh teh. 18 tơdrong jang tơpă đơ̆ng lêh hlôi pơm ăn tơdrong hơiă hăm tơpôl. Lơ tơdrong đei tơplih ‘nao, pơcheh hơgei pơ dăr lơ̆m hơnăn “Buôn Ma Thuột - Hơnih truh cheh phe apŭng plĕnh teh” hlôi tơroi đei nơ̆r pơma: Jang pơtăl, Hơnih truh, Mơ̆t jang hơdai đơ̆ng cheh phe Việt Nam.
Tơ̆ lêh pơtôch, ƀok Nguyễn Tuấn Hà, Phŏ Kơdră Anih vei lăng kon pơlei dêh char Dak Lak, Kơdră Anih pơgơ̆r lêh hơlen lăng: Lêh ‘măng âu jơnei ‘ngoăih kơ ‘meh vă, hơnơ̆ng sơkơ̆t hơdăh păng roi tơƀôh pran kơtang hơnăn cheh phe Buôn Ma Thuột.
Viết bình luận