Tơ̆ âu, Khŭl pơgơ̆r hlôi pơjao tơmam hơpăh ‘măng pơlong “Hŏk tro, sinh viên hăm đon tơchĕng pơ jing tơdrong jang sa” ‘măng mă V. ‘Măng pơ long hlôi iŏk đei 508 tơdrong jang găh 5 tơdrong jang: kơmăy kơ mŏk, pơm tơlĕch tơmam; choh jang sa, bri ‘long, jang ka; pơtho pơhrăm, tơmang lăng, jên hu; jang pơgang, vei lăng jơhngơ̆m jăn, kơmăy kơmŏk pơm ngă păng tĕch mơdro pơm ƀơm truh tơpôl. 80 tơdrong jang hơgei đei mơ̆t lơ̆m ‘măng rơih iŏk păng ‘măng pơtôch đơ̆ng ‘măng pơ long.

Khŭl pơgơ̆r hlôi pơ jao 80 tơmam hơpăh kiơ̆ 2 grŭp pơ long hŏk tro păng sinh viên, lơ̆m noh 10 jơnei mă Mônh, 20 jơnei mă Ƀar, 30 jơnei mă Pêng păng 20 jơnei pơ chhơp jơhngơ̆m. Yă Ngô Thị Minh, Phŏ Kơdră Anih tơm vei lăng găh pơtho pơhrăm ‘meh vă đe hŏk tro, sinh viên hơnơ̆ng vei rong tơdrong hưch hanh đơ̆ng kơ dih, jang đang dôm tơdrong jang, jăh pơ jing anih mơdro sa tơiung tơdrong jang sa, tơgop bơ̆jang kiơ̆ jơnei trong tơlĕch jang hơtŏk tơiung mŭk drăm tơpôl jăl jang 2021-2025.