Ƀĭ thư Anih jang Đảng kơ dôm anih jang Trung ương Nguyễn Văn Thể ră hơdăh, Tơdrong pơlong jing 'măng vă akŏm chĭn trĭ vă tôm đảng, tôm kon pơlei, tôm anih linh atŭm vang jang vei lăng pơkăp đon kơchĕng đơ̆ng đảng. Kơyuơ noh, dôm Anih jang Đảng lơ̆m anih jang po kăl tơlĕch jang hơdăh dôm tơdrong jang, vă pơjing minh tơdrong jang lơ̆m đảng ƀô̆ tơnăp hloh. Atŭm hăm noh pơkăl, rim anih jang athei pơm trong hiôk ăn dôm anih jang tơm, đảng viên hơlen băt vă chih akŏm đei dôm ƀai chih 'lơ̆ng, tơbang trŏ trong pơkăp jang đơ̆ng đảng păng teh đak tơlĕch pơm jang tơ̆ anih jang gơh đei jơnei tơnăp; adoi nhen tơgop găh dôm tơdrong oei tơjruh, tơlĕch dôm trong jang vă hơmet pơ-'lơ̆ng. Đơ̆ng noh pơlan xă lơ̆m tơdrong erih, adoi nhen lơ̆m tơdrong jang kơ po hăm xơnong vei lăng pơkăp đon kơchĕng đơ̆ng Đảng.